اليكم ملف خاص باطباق العيدالاضحى بجميع انواعة

اطباق خاصة بعيد الأضحى اعاده الله عليكم باليمن والبركات

لكن حذار من الأسراف فى اكل اللحم الضان

وكل عام والجميع بخير


طبق مشويات

كيلو لحم ضانى صغير من بيت الكلاوى

نصف كيلو ريش ضانى صغيرة

ربع كيلو كبدة شرايح رفيعة

2 كلاوى ضانى

4 قطع صغيرة من اللية فى حجم البندقة

2 بصلة مفرومة فرما ناعما
2 معلقة كبيرة عصير ليمون
ملح وفلفل


الطريقة

تشق الكلاوى نصفين وتغسل جيدا

نغسل اللحمة والريش ثم ينقع الجميع فى البصل

المبشور بعد دعكه بالملح والفلفل وعصير الليمون

يترك الخليط منقوعا لمدة نصف ساعة

يشوى فى الشواية بعد دهنها بالزيت او على الفحم

اول ما تشوفى الدم ابتدى يظهر على سطح اللحمة

نقلب اللحمة على طول على الناحية التانية

لحد ما تلاقى برضة الدم ظهر على اللحمة بعدها

تقلبى اللحمة لحد ما تستوى لمدة دقايق

نشيل اللحمة من على الشواية ونرصصها على

طبق مفروش بالبقدونس >

**وبالهنا والشفا**


الفخذ الضأن


فخذة ضانى- 2 ملعقة كبيرة صلصة طماطم- ملعقة كبيرة بهارات لحم
2ملعقة كبيرة خل- ملعقة صغيرة فلفل أسود- ملعقةكبيرة ملح 5- فصوص ثوم صحيحة – بصلة كبيرة مقطعة حلقات 2 ملعقة كبيرة زيت او سمنة


الطريقة:


اغسلي الفخذة ونشفيها
اعملي بعض الخروم بالسكينة فى لحم الفخذة
ضعي في طبق الملح و الفلفل – و البهارات – و الخل – و اخلطيها جيدا
ضعى فى الخروم من خلطة التتبيل وفص ثوم صحيح فى كل خرم وبباقى خلطة التتبيل ندعك بيها الفخدة كلها كويس
نضع الزيت او السمن فى صينية كبيرة على النار ونحمر فيها البصل
نضع الفخدة فى السمنة ونقلبها كويس فيها لحد ما تحمر من جميع الجهات
نتركها على النار ونغطيها مع اضافة الماء كلما احتاجت الى ان تستوى تلت ارباع سوى
غطى الصينية بورق الألمنيوم،و ضعيها فى الفرن
لحد ما تستوى وقبل ما تخرجيها شيلى الورقة الفويل من عليها وادهنيها بصلصة الطماطم
علشان وشها يحمر


الممبار ( العصبان )


- كيلو ممبار.
- 3 بصلات.
- شبت مقطع صغير – بقدونس مقطع صغير - كزبرة خضراء مقطعة صغير.
- ملح - فلفل – كمون.
- 3 طماطم كبيرة.
- 3كوب ارز.
- شطة ( لو عوزاة حراق ).
- 2 ملعقة سمن .

اولا :طريقة تنظيف الممبار

-
اول حاجة تشيلى الدهن بتاع الممبار و تغسلى الممبار جيدا و تقلبة على الوش
التانى و بعدين حطية امامك فى الحوض و ابتدى اجردى فى الممبار بالسكينة
كويس قوى بس اوعى يتقطع منك و بعدين خلى ماء الحنفية ينزل جواة كويس و
اغسلية تانى كويس قوى ثم ضعي علية كمية مش قليلة من الملح و الخل و سيبية
ساعة ثم اشطفيه لحد ما تلاقى كل المخاط اللى كان فية نزل روحى رشة رشة دقيق
كمان وادعكية كويس و بعدين ارجعى اغسلية كويس كدة تبقى مطمنة انه نضف
تماما و ابدئى بقى تقطعية بالمقاس اللى انتى عوزاة يعنى صغير او يبقى
الصباع طويل.الحشوة ( خلطة المحشى العادى )

نغسل الارز
نبشر البصل
والطماطم و نحطهم على الشبت و البقدونس والكزبرة ونضيف لهم الارز والملح
والفلفل والكمون والشطة ونقلبهم جيدا وبعدين نحط السمن
بالقمع- نحشي الممبار لثلثه بس بالخلطةو بعدين ندوس على الممبار بايدنا خفيف علشان توزعى الخلطة و عشان ما يبقاش الممبار مكبوس قوى
- فى حلة كبيرة
نغلى ماء و نضع به ملح و نمسك كل قطعة ممبار و نزلها بالراحة فى
الماءالمغلى نلاحظ انها تنكمش و تتقفل من الطرفين و يترك على النار حتى
ينضج
- يصفي من ماء السلق و يحمر في الزيت
و بالهنا والشفاء
فخد ضاني في الفرن مع أرز بالخلطة

المقادير:

• فخدة ضاني.
• كيلو فلفل رومي أحمر.
• 4 علب زبادي.
• 5 معالق صغيرة خل تفاح.
• كيلو رز.
• كوباية كبيرة زيت.
• 2ملعقة كبيره ملح.
• 2 ملعقة كبيرة عسل أبيض.
• 2ملعقة كبيرة بهارات.
• ملعقة صغيرة كاري.
• نصف كيلو بندق.
• كوباية كبيرة ماء.
• فلفل أصفر وأخضر مقطع قطعا صغيرة.
• ملعقة صغيرة فلفل أسود.
• قطعتان فحم.

الطريقة:

هاتِ الفخدة واخليها من العظم، بعد كده تبلي الفخدة بمزيج الخليط الآتي:

"الزبادي والملح والعسل والخل والبهارات والفلفل الأسمر"...

بعد ما تتبلي الفخدة بالخليط ده حطيها
في الثلاجة لمدة يوم بعد كده طلعيها من التلاجة وهاتِ الفلفل الرومي
الأحمر وقطعيه إلى قطع صغيرة واحشيها بيه، بالإضافة إلى باقي الخليط
المنقوع فيه الفخدة...

بعد كده حطيها في الفرن وادهنيها بالزيت وسيبيها في الفرن لمدة ساعة أو ساعة ونصف أو لغاية ما لونها يبقى أحمر وتستوي...

بعد كده سخني قطعتين الفحم على النار
لغاية لونهم ما يبقى أحمر بعد كده حطيهم على الفخدة وهي سخنة وغطي عليها
علشان تحتفظ برائحة الفحم لأنها بتدي مذاق ورائحة رائعة.

بعد كده صفي الصوص النازل من الفخدة
وضيفيه إلى الرز على النار وقلبي كويس وبعد كده ضيفي إليهم كاري وملح وميه
وبندق وقلبيهم على نار هادية لمدة ربع ساعة أو لغاية ما تلاقي الرز استوى.

بعد كده هاتِ الفخدة وقطعيها شرائح وقدميها في طبق مع الرز ورشي من فوق شوية ملح وفلفل أخضر وأصفر للتجميل وبالهنا والشفا.



صينية اللحم في الفرن

المقادير:

• كيلو لحمة.
• 3 بصلات مقطعة شرائح.
• 3 حبات طماطم مقطعة شرائح.
• 3 فصوص ثوم مطحونين.
• ملح -كمون-كزبرة-فلفل أسود
• عود قرفة.

الطريقة:

اخلطي اللحمة مع الثوم والبهارات
والملح بعد كده حطي في الصينية طبقة من شرائح البصل ثم طبقة من شرائح
الطماطم وبعد كده حطي اللحمة عليها ثم باقي شرائح البصل والطماطم، وبعد كده
غطي الصينية بالورق الحراري وحطيها في الفرن على نار هادية لمدة ساعة أو
لغاية ما تحسي إنها استوت.. وبألف هنا وشفا.

لحمة ضاني مشوية

المقادير:

• لحمة ضاني مقطعة مكعبات متوسطة الحجم أو "ريش".
• كوب كبير عصير طماطم.
• ملعقة صغيرة فلفل أسود.
• ملعقة صغيرة شطة حمراء ناعمة.
• 10 فصوص ثوم.
• ملعقة كبيرة خل أبيض.
• ملعقة كبيرة كمون مطحون.
• 1 حبة جوزة الطيب مبشورة ناعم.
• 1 بصلة كبيرة.
• فلفل رومي أخضر
• نص فنجان زيت.

الطريقة:

هاتِ اللحمة واغسليها كويس.

بعد كده جهزي تتبيلة اللحمة وهي عبارة
عن "الزيت + الخل + الكمون +جوزة الطيب + البصلة + عصير الطماطم + الفلفل
الأسود + الفلفل الأخضر + الثوم + الشطة" واضربيهم مع بعض في الخلاط...

بعد كده هاتِ صينية وادهنيها بالخليط ده وبعد كده ابدأي في رص اللحمة في صورة طبقات وبين كل طبقة وطبقة حطي خلطة التتبيل...

بعد ما تخلصي رص اللحمة حطيها وخليط
التتبيل في التلاجة لمدة 3 ساعات، بعد كده خرجيها واشويها على الشواية
الكهرباء أو الفحم.. وبالهنا والشفا.






[b]الطريقة
1) اغسلي الأرز ، انقعيه في ماء دافئ 20 – 25 دقيقة.
2) سلق الأرز : ضعي الزيت قدر متوسط الحجم ، سخني على نار متوسطة ، صفي
الأرز من ماء النقع. اضيفي الأرز الى الزيت، قلبي على نار قوية باستعمال
ملعقة خشبية 2 – 3 دقيقة الى ان يصبح الأرز جافا وتتغطى حباته بالزيت جيدا.
3) اضيفي الماء والملح، دعي الأرز يغلي، قلبيه مرة واحدة، غطي القدر ، خففي
النار واتركي الأرز 20 دقيقة الى ان ينضج. احتفظي به ساخنا.
4) تحميص الخبز : طريقة التحميص بالفرن ،، سخني الفرن لدرجة حرارة 400 ف،
ضعي الخبز في صينية واسعة، ادخليه الى الفرن 12 – 15 دقيقة الى ان يتحمص
ويكتسب لون ذهبي ، مع التقليب من وقت لآخر لتتأكدي من توزيع اللون
بالتساوي. اتركيه جانبا ليبرد. طريقة القلي: سخني زيت الذرة في مقلاة
عميقة، اسقطي قطع الخبز لبضع دقائق الى ان تكتسب لون ذهبي ، اتركيها على
ورق نشاف للتخصلص من الزيت الفائض. ( يمكنك تجهيز الخبز مسبقا وحفظه
بالثلاجة عدة ايام).
5) سلق اللحم : ضعي 2 ملعقة كبيرة من الزيت في قدر متوسط الحجم، سخني على
نار متوسطة، اضيفي البصل واللحم ، قلبي الى ان يذبل البصل ويكتسب اللحم لون
ذهبي.
6) اضيفي 6 – 7 أكواب من الماء، اضيفي الملح والفلفل الأسود، دعي القدر على
نار قوية الى ان يغلي، اتركي اللحم بدون تغطيه يغلي لبضع دقائق الى تتكون
طبقة الريم على سطحه. انزعي الريم وتخلصي منه.
7) اضيفي القرفة، الهيل، ورق الغار، ضعي الغطاء على القدر واتركيه على نار
متوسطة 35 – 40 دقيقة الى ان ينضج اللحم . ( يمكنك سلق اللحم مسبقا وحفظه
في الثلاجة لحين اللزوم ).
اخرجي قطع اللحم ، اتركيها جانبا. صفي المرق ، تخلصي من البهارات، اعيدي المرق الى القدر ، احتفظي به ساخنا جدا.
9) تحمير اللحم : ضعي 2 ملعقة كبيرة من الزيت في مقلاة واسعة، سخني على نار
متوسطة، اضيفي قطع اللحم ، قلبي اللحم على كافة الجوانب الى ان يكتسب لون
ذهبي خفيف ( هذه الخطوة تكسب اللحم طعما ولونا شهيا ، ولكن بالطبع يمكنك
الاستغناء عن هذه الخطوة وتقديم اللحم مسلوق فقط للتخفيف من الدهون ).
10) صلصة الثوم: في مقلاة او قدر صغير الحجم ، ضعي 2 ملعقة كبيرة من الزيت
او السمن، اضيفي الثوم ، ضعي المقلاة على نار متوسطة مع التقليب باستمرار
الى ان يصبح الثوم ذهبي غامق، اضيفي الخل (انتبهي حين تضيفين الخل،، حيث
يسبب فوران الثوم) اضيفي الملح، قلبي الى ان يتوزع الثوم مع الخل، اتركيه
على نار هادئة لحوالي 5 دقائق الى ان تتسبك الصلصة.
11) تجهيز الفتة : احضري طبق عميق مناسب للتقديم على السفرة ، ضعي الخبز المقطع في قاع الطبق.
12) صبي المرق الساخن جدا فوق الخبز بحيث يغطيه تماما، اتركيه جانبا لبضع دقائق الى ان يتشرب الخبز بالمرق.
13) وزعي بعض صلصة الثوم فوق الخبز، ليكتسب طعما لذيذا.
14) قلبي الأرز المسلوق بالشوكة ، وزعيه فوق الخبز.
15) ضعي قطع اللحم المحمر فوق سطح الأرز ، وزعي بقية صلصة الثوم فوق اللحم والأرز . قدميه ساخنا.

https://maxwy.roo7.biz